लाभेल आम्हास भाग्य बोलतो मराठी..........

लाभेल आम्हास भाग्य बोलतो मराठी...
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढ्या जगात माय मानतो मराठी.

For the first time ever, over 450 artistes have lent their voices for a single song - the Marathi Abhimaan Geet - launched in Thane on Marathi Bhasha Diwas - February 27. The song, penned by noted Marathi poet Suresh Bhat, has been set to tune by well known composer Kaushal Inamdar. The song that took 1 and quarter years in the making- with 112 established singers and a chorus line of 356 singers from all over Maharashtra.

लाभले अम्हास भाग्य बोलतो मराठी
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढ्या जगात माय मानतो मराठी

आमुच्या मनामनात दंगते मराठी
आमुच्या रगारगात रंगते मराठी
आमुच्या उराउरात स्पंदते मराठी
आमुच्या नसानसात नाचते मराठी

आमुच्या पिलापिलात जन्मते मराठी
आमुच्या लहानग्यात रंगते मराठी
आमुच्या मुलामुलीत खेळते मराठी
आमुच्या घराघरात वाढते मराठी

आमुच्या कुलाकुलात नांदते मराठी
येथल्या फुलाफुलात हासते मराठी
येथल्या दिशादिशात दाटते मराठी
येथल्या नगानगात गर्जते मराठी

येथल्या दरीदरीत हिंडते मराठी
येथल्या वनावनात गुंजते मराठी
येथल्या तरुलतात साजते मराठी
येथल्या कळीकळीत लाजते मराठी

येथल्या नभामधून वर्षते मराठी
येथल्या पिकांमधून डोलते मराठी
येथल्या नद्यांमधून वाहते मराठी
येथल्या चराचरात राहते मराठी

Watch the Marathi Abhimaan Geet here:

http://www.youtube.com/watch?v=Nbo1PgHgPvc&feature=player_embedded

जय मराठी!! जय महाराष्ट्र!!!